1. Bosh sahifa
2. Yangiliklar

Malikaxon Tojiboyeva: Qizim tikuvchilik bilan oʼz oilasini tebratmoqda

×

Mamlakatimizda doimiy ish bilan band boʼlmagan xotin-qizlarni qoʼllab-quvvatlash, ularni uy sharoitida ham daromad topishlariga koʼmaklashish borasida tizimli ishlar olib borilmoqda. Jumladan, "Аyollar daftari"ga olingan xotin-qizlarga hokim yordamchilarining tavsiyalariga koʼra, mehnat qurollari subsidiya asosida ajratilmoqda.

 
"Madaniyat" mahalla fuqarolar yigʼinida yashovchi fuqaro Nigoraxon Tojiboeva ham qoʼli gul chevarlardan biri. Xotin-qizlar faolining oʼrganishlari natijasida fuqaroning doimiy ish bilan band boʼlishi, daromad topishi taʼminlandi. Mahallada faoliyat olib borayotgan hokim yordamchisi Shavkatjon Komilovning tavsiyasiga koʼra, subsidiya asosida tikuv mashinasi ajratildi. 

Nigoraxon Tojiboyeva hozirda kasanachilik asosida ishlab, buyurtma asosida kiyim-kechaklar hamda roʼzgʼor buyumlari ham tikmoqda. Bu bilan oilasini tebratayotgan fuqaro berilgan eʼtibordan mamnun boʼlib, oʼz minnatdorchiligini bildirdi.