Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
“Gulzor” mahallasida ham 1300 metr ichki yoʻllar asfalt qilinmoqda
2023-05-03 09:29:25 383
Ayni kunlarda Fargʻona shahridagi mahalla fuqarolar yigʻinlarida Oʻzbekiston Respublikasi Prezidentining 2022-yil 25-oktyabrdagi “2022-2023-yillarda mahallalar infratuzilmasini yanada yaxshilash boʻyicha qoʻshimcha chora-tadbirlar toʻgʻrisida”gi PQ-408-sonli qaroriga asosan keng koʻlamli ishlar olib borilmoqda.
Xususan, “Gulzor” mahalla fuqarolar yigʻini hududidagi koʻp qavatli uylar ichki yoʻllarining 1300 metr qismi asfalt qilinmoqda. Hozirda qurilish tashkiloti tomonidan ichki yoʻllarni asfaltlashtirish ishlari jadal surʼatlarda amalga oshirilmoqda. Mazkur ishlar uchun respublika byudjetidan 650 mln. soʻm mablagʻ ajratilgan.
Keksa-yu yosh soʻnggi yillarda amalga oshirilayotgan bunyodkorlik ishlaridan mamnun. Mahalla ahli tomonidan ham keng koʻlamli obodonlashtirish ishlari bajarilmoqda.
Maʼlumot uchun: Qaror asosida Fargʻona shahridagi 61 ta loyihalar uchun respublika byudjetidan qariyb 100 mlrd. soʻm mablagʻ ajratilgan.
Fargʻona shahar hokimligi Axborot xizmati
