1. Bosh sahifa
2. Yangiliklar

Fargʻona shahrida “Pillakorlar sayli” dasturi doirasida madaniy tadbir oʻtkazildi

×

Fargʻona shahridagi Islom Karimov nomidagi teatr va konsert saroyida “Oʻzbekiston Konstitutsiyasi bu – bizning Bosh Qomusimiz” shiori ostida “Pillakorlar sayli” dasturi doirasida konsert boʻlib oʻtdi.

Konsert dasturida Oʻzbekiston xalq hofizi Ilhomjon Ibrohimov, estradamizning yorqin yulduzlari – “Sado” guruhi doirachilari, Yorqinxoʻja Umarov, Elyor Meliboyev, Otabek Muhammadzohid, Abdujalil Qoʻqonov va boshqalar ishtirok etishdi.

Tadbirga viloyatimizning barcha hududlarida pilla yetishtirishda astoydil mehnat qilayotgan ilgʻorlar, mazkur sohada tahsil olayotgan talaba yoshlar taklif qilindi. Shuningdek, shahrimiz aholisi va mehmonlari ham madaniy dasturdan bahramand boʻlishdi.
Madaniy tadbir davomida soʻzga chiqqanlar tomonidan mamlakatimizda olib borilayotgan islohotlar, Yangi tahrirdagi Konstitutsiya loyihasidagi inson va uning manfaatlarini himoya qiluvchi yangi oʻzgarishlar haqida maʼlumotlar berildi.

Fargʻona shahar hokimligi Axborot xizmati