1. Bosh sahifa
2. Yangiliklar

Hunardan baraka topayotgan yosh tadbirkor

×

Mamlakatimizda tadbirkorlik faoliyatini boshlash, yangi ish oʻrinlarini yaratishni maqsad qilgan fuqarolarga ham keng imkoniyatlar, shart-sharoitlar yaratilmoqda. Bu esa tadbirkorlar sonini yil sayin ortib borayotganligida yaqqol namoyon boʻlmoqda.

Fargʻona shahridagi “Chekshoʻra” MFYda ham tadbirkorlar soni 70 nafardan oshdi. Mahalla raisi Gʻayratjon Gʻofurovning taʼkidlashicha, hududda dehqonchilik asosiy drayverga aylanmoqda. Issiqxona qurib, mumay daromad topayotgan oilalar safi ham kengayib bormoqda. Shuningdek, turli yoʻnalishlarda ham tadbirkorlik subyektlari ochilmoqda.

Roʻzimatjon Ergashev yosh tadbirkorlardan. Yoshligida bobosi, tajribali mexanik Madley otadan saboq oldi. 40 yil mobaynida traktorchi boʻlgan dadasi Abdujabbor Ergashev ham farzandining qiziqishlariga beeʼtibor boʻlmadi.

Yosh temirchi hozirda kichik korxonasiga ega. Ikki nafar shogirdlariga har oyda 3 mln. soʻmdan maosh bermoqda. Oʻzining esa oylik oʻrtacha daromadi 15 million soʻmga yetmoqda.