1. Bosh sahifa
2. Yangiliklar

Sanʼat saroyi yonidagi Qashqar koʼchasida bir qavatli uylar oʼrniga 4 va 5 qavatli zamonaviy turar-joy majmuasi qurish loyihasiga kirishildi

×

Viloyat hokimi Xayrullo Bozorov viloyat sektorlari rahbarlari bilan Fargʼona shahar Fargʼona MFY Qashqar koʼchasida joylashgan 1 qavatli uylar oʼrnida 4 va 5 qavatli zamonaviy turar-joy majmuasi qurish loyihasi bilan tanishdi. 

Qashqar koʼchasidagi 53 ta eski uylar oʼrnida barpo etiladigan koʼp qavatli zamonaviy turar-joylarning birinchi qavati savdo va maishiy xizmat shaxobchalaridan iborat boʼlishi lozimligi taʼkidlandi. Ushbu xizmat koʼrsatish obʼektlari, Sanʼat saroyiga kelgan fargʼonaliklar hamda mehmonlar uchun qoʼshimcha qulayliklar taqdim etishi qayd etildi.

Tashabbuskor tadbirkorlar hamda mutasaddilar bilan muloqot qilgan viloyat hokimi, loyihani amalga oshirishda eski xonadonlar egalarining roziligini olish eng muhim talab ekanligini taʼkidlab, rozilik bergan mulkdorlarga uy-joylarning qiymati qonunda nazarda tutilgan tartibda oldindan hamda teng qiymatda qoplanishini taʼminlash shartligiga eʼtibor qaratdi.