1. Bosh sahifa
2. Yangiliklar

IFTORLIK DASTURXONI YOZILDI

×

Fargʻona shahridagi “Yangi hayot” bazmgohida iftorlik tadbiri oʻtkazildi. Unda shahrimizdagi diniy ulamolar, keng jamoatchilik vakillari, “Abdurahmon Jomiy” va “Al-Xorazmiy” mahalla fuqarolar yigʻinlari faollar hamda ijtimoiy himoyaga muhtoj xonadonlar vakillari uchun dasturxon yozildi. 

Ishtirokchilar tomonidan Davlatimiz rahbari tashabbusi bilan amalga oshirilgan ezgu ishlar, yurtimizda muqaddas dinimiz sofligini saqlash borasida olib borilayotgan amallar haqida fikr yuritildi.

Shuningdek ushbu tadbirda Qurʼon oyatlari oʻqilib, turmushimiz farovon, yurtimiz tinch, osmonimiz musaffo boʻlishini, xonadonlarimizda hamisha tinchlik hukm surishini tilab duolar qilindi.

Tadbirda ishtirok etgan fuqarolar yurtimizda inson qadrini ulugʻlash hamda ijtimoiy himoyaga muhtoj xonadon vakillariga koʻrsatilayotgan eʼtibor va gʻamxoʻrlikdan behad xursand boʻlishdi.