1. Bosh sahifa
2. Yangiliklar

Barcha hududlarda obodonlashtirish ishlari olib borilmoqda

×

Аyni kunlarda shahrimizning barcha mahallalari, korxona va tashkilotlarda obodonlashtirish ishlari olib borilmoqda. Аlbatta, hashar ishlari fuqarolarimizning faolligi va uyushqoqligida koʼtarinki ruhda oʼtmoqda.

Bahor faslining kirib kelishi, yaqinlashib kelayotgan bayramlarni munosib nishonlashga tayyorgarlik koʼrish, mahallalar, aholi turar joylarini obodonlashtirish va koʼkalamzorlashtirish kunning dolzarb masalasi boʼlmoqda.

Hashar ishlarida mahallalar, aholi punktlari, koʼp qavatli binolar va hovlilar atrofi, guzarlar, xiyobonlar, ziyoratgohlar, qabristonlar hamda bolalar maydonchalari tartibga keltirilmoqda.

“Mahallamga mening tuhfam” shiori ostida barcha turar joy mavzelari, koʼchalar hamda korxona va tashkilotlarda gul koʼchatlari, mevali va manzarali daraxtlar ekilib, daraxtlar butalib oqlanmoqda.

Shahar hokimligi tomonidan hashar ishlariga yordam berish maqsadida obodonlashtirish boshqarmasi xodimlari va texnika vositalari ham jalb etilmoqda.

Fargʼona shahar hokimligi Аxborot xizmati