1. Bosh sahifa
2. Yangiliklar

Har bir yakka-yolgʼiz, nogironligi boʼlgan hamda bemor fuqarolar tibbiyot xodimlari tomonidan nazoratga olingan

×

Аnomal sovuq kunlarda Fargʼona shahar tibbiyot birlashmasining barcha tibbiyot xodimlari ham oʼz faolliklarini koʼrsatmoqdalar. Oilaviy poliklinikalarning umumiy amaliyot shifikorlari, patronaj hamshiralar tomonidan barcha yakka-yolgʼizlar, nogironligi boʼlgan, bemor fuqarolar holidan kunlik nazorat oʼrnatilgan. 

Xonadonlarga tashrif davomida mazkur oilalarning kuz-qish mavsumiga tayyorgarlik koʼrganligi, xona harorati, oziq-ovqat zahirasi va boshqa muammolar yuzasidan aniq choralar koʼrilmoqda. Fuqarolar tomonidan bildirilgan muammolar boʼyicha shahar hokimligi va tibbiyot birlashmasida tashkil etilgan shtablarga maʼlumotlar tezkorlik bilan kiritilmoqda.

Maʼlumotlar asosida fuqarolarga shahar hokimligi tomonidan elektr isitgichlar, dori vositalari, kiyim-kechaklar va oziq-ovqat mahsulotlari ajratilmoqda, davolanishi zarur boʼlgan bemorlar esa shifoxonalarga yotqizilmoqda.

Fargʼona shahar hokimligi Аxborot xizmati