1. Bosh sahifa
2. Yangiliklar

1 oktyabr - Oʼqituvchi va murabbiylar kuni

×

Bayram munosabati bilan ustoz sanʼatkorlarning Fargʼona ahli bilan uchrashuvi boʼlib oʼtmoqda
Inson maʼnaviyatining shakllanishi va yuksalishida adabiyot va sanʼatning, xususan, teatr sanʼatining ham alohida oʼrni bor. Zero, teatrlarimizda namoyish etiladigan har bir sahna asari hayot koʼzgusidir.

Oʼqituvchi va murabbiylar kuni munosabati bilan "Islom Karimov" nomidagi teatr-kontsert saroyida Milliy akademik drama teatrining ustoz sanʼatkorlari ishtirokida uchrashuv tadbirlari oʼtkazilmoqda. Bugun oʼtkazilgan uchrashuv ishtirokchilarda katta taassurot qoldirdi. Oʼzbekiston xalq artistlari Yoqub Аhmedov, Erkin Komilov, Yodgor Saʼdiev, Saida Rametova, Zuhra Аshurova hamda boshqa teatr sanʼatkorlari oʼz chiqishlari bilan sanʼatsevar fuqarolarga bayram shodligini ulashdilar.

Uchrashuvlar 2-3 oktyabrь kunlari soat 11:00 va 15:00 larda ham oʼtkazilishi belgilangan. Sanʼatsevar shahrimiz fuqarolari va mehmonlarini mazkur uchrashuvlarga taklif etamiz.

Fargʼona shahar hokimligi Аxborot xizmati