Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Fargʼona markazida yangi Fergana City majmuasi qad rostlamoqda
2022-09-27 16:17:01 357
Viloyat hokimi Xayrullo Bozorov Fargʼona shahrining Universitet koʼchasidagi sobiq Bolajon akvaparki oʼrnida barpo etilayotgan Fergana City majmuasida qurilish ishlarining borishi bilan tanishdi.
Savdo markazi, koʼngilochar maskanlar hamda turar-joylardan iborat ushbu majmua loyihasi ikki bosqichda amalga oshirilayotgan boʼlib, hozirda birinchi bosqichda loyiha qiymati 77 milliard soʼm boʼlgan 6 qavatli savdo markazi hamda umumiy qiymati 120 milliard soʼm boʼlgan 6 ta 9+1 etajli koʼp qavatli uylar qad rostlamoqda. Ikkinchi bosqichda 7 qavatli biznes markazi hamda 11 ta koʼp qavatlar uylar barpo etiladi.
Savdo markazining har bir qavati 3 ming m.kv. dan iborat boʼlib, supermarket, texnika va maishiy mollar doʼkonlari, franshiza asosida faoliyat koʼrsatuvchi brend butiklar, ovqatlanish shaxobchalarini oʼz ichiga olgan food court, zamonaviy fitnes-klub, kinoteatr hamda yuqori qavatida ochiq osmon ostidagi restoran faoliyati yoʼlga qoʼyiladi.
