1. Bosh sahifa
2. Yangiliklar

OBODLIK BUNYODKORLАRINING MEHNАTLАRI E'TIROF ETILDI

×

Fargʼona shahrida bunyod boʼlayotgan va "Fargʼona moʼʼjizasi" deya eʼtirof etilayotgan Eko shaharda shahar hokimligi tashabbusi bilan "Hormang quruvchi, bunyodkorlar!" shiori ostida maʼnaviy-maʼrifiy va madaniy tadbir tashkillandi. Tadbirni Respublika Maʼnaviyat va maʼrifat markazi shahar boʼlinmasi rahbari Аzizbek Soyibnazarov ochib, tadbir ishtirokchilari boʼlgan bunyodkorlarning mehnatlarini eʼtirof etdi.
Tadbir davomida shahar madaniyat boʼlimining xushovoz xonandalari tomonidan dilrabo kuy-qoʼshiqlar ijro etildi. Quruvchilar va koʼkalamzorlashtirish ishlariga masʼul boʼlgan xodimlar madaniy xordiq oldilar. 
Tadbirda FarPI birinchi prorektori Mirzohid Botirov ham ishtirok etib, quruvchilarimiz, obodonlashtirish, koʼkalamzorlashtirish ishlarida faol ishtirok etayotganlarning mehnatlarini ulugʼladi, ishlariga rivoj tiladi. "Fargʼona", "Vatan", "Ona" kabi sheʼrlari bilan bunyodkorlar olqishlariga sazovor boʼldi.
Shuningdek, tadbir davomida faol bunyodkorlar, opa-singillarimiz shahar hokimligi, Respublika Maʼnaviyat va maʼrifat markazi viloyat boʼlimi hamda Kasaba uyushmasining esdalik sovgʼalari bilan ragʼbatlantirildilar.