1. Bosh sahifa
2. Yangiliklar

HAR BIR MUROJAATNI IJOBIY HAL ETISh ChORALARI KOʻRILMOQDA

×

Fargʻona shahar hokimi, 1-sektor rahbari Vosiljon Nazarov tomonidan "Yangi soy" mahallasida jismoniy va yuridik shaxslar uchun sayyor qabul oʻtkazildi. Unda Oʻzbekiston Respublikasi Prezidenti Xalq qabulxonasi mudiri Gʻayratjon Pattayev ham ishtirok etdi. Unda yuz nafardan ortiq fuqarolardan tushgan murojaatlar masʼul rahbarlar ishtirokida oʻrganildi. 30 ga yaqin murojaatlar ijobiy hal qilindi.
Murojaatlarni joyida oʻrganib chiqish va natijasi boʻyicha fuqaroga maʼlum qilish uchun masalaga daxldor xodimlar, korxona, tashkilot va boʻlimlarga tegishli topshiriqlar berildi.
Shundan soʻng, oʻtgan qabullar davomida tushgan murojaatlarning ijobiy hal etilganlik darajasi oʻrganilib, masʼullarning axborotlari eshitildi. Ish bilan taʼminlash, tikuv mashinasi ajratish hamda sogʻligʻini tiklashda amaliy yordam olish kabi masalalar ham alohida nazoratga olinib, hal etish choralari koʻrildi.