1. Bosh sahifa
2. Yangiliklar

Zulayho Mahkamova Fargʻona shahridagi “Oqila ayollar” harakati aʼzolari bilan uchrashdi

×

Qirguli mavzeidagi bolalar musiqa va sanʼat maktabining faollar zalida oʻtkazilgan uchrashuvda xotin-qizlar faollari, harakat aʼzolari ishtirok etishdi. Tadbirda Bosh vazir oʻrinbosari Zulayho Mahkamova mamlakatimizda soʻnggi yillarda xotin-qizlarnning jamiyatdagi oʻrni va nufuzini oshirish, ijtimoiy va maʼnaviy qoʻllab-quvvatlash borasida amalga oshirilgan ishlar haqida taʼkidlab oʻtdi.

Shuningdek, jamiyat va davlat hayotida ayollar va erkaklarning teng xuquqliligini, shuningdek, xotin-qizlarning qonuniy xuquq va manfaatlarini taʼminlash, ularning iqtisodiy, ijtimoiy va siyosiy faolligini oshirish Yangi Oʻzbekiston taraqqiyot strategiyasining muhim yoʻnalishlaridan biri boʻlayotganligiga ham alohida eʼtibor qaratildi.

Tadbir davomida Fargʻona shahrida “Oqila ayollar” harakati tomonidan bajarilayotgan ishlar tahlil qilindi. Harakat yetakchisi Shahodatxon Axunovaning istiqboldagi rejalari haqida ham maʼlumotlar berildi.

Fargʻona shahar hokimligi Axborot xizmati