1. Bosh sahifa
2. Yangiliklar

29 ta koʼp qavatli uylar mukammal va joriy taʼmirlanmoqda

×

Uy-joy kommunal xizmat koʼrsatish sohasi aholi kayfiyatiga toʼgʼridan-toʼgʼri taʼsir qiladigan oʼta masʼuliyatli sohalardan biri hisoblanadi. Shuni eʼtiborga olgan holda, Fargʼona viloyatida koʼp qavatli uylarda istiqomat qiluvchi aholi farovonligini taʼminlash, fuqarolarga sifatli kommunal xizmat koʼrsatish yoʼlida izchil saʼy-harakatlar amalga oshirilmoqda.

Hususan, Oʼzbekiston Respublikasi Prezidentining PQ-408-sonli qaroriga asosan, Fargʼona shahar Istiqbol mahallasi hududida joylashgan 29 ta koʼp qavatli uyning fasad va tom qismlarini taʼmirlash, 67 ta temir eshik va kodli qulflar oʼrnatish, elektr taqsimlovchi shitlarni taʼmirlash hamda 21 ta uyning framuga oynalarini zamonaviy plastik romlarga almashtirish ishlari amalga oshirilmoqda. Mazkur ishlarni amalga oshirish uchun respublika byudjetidan 1,4 mlrd. soʼm mablagʼ ajratilgan.

Fargʼona shahar hokimligi Аxborot xizmati