1. Bosh sahifa
2. Yangiliklar

Fargʼona shahriga katta futbol qaytmoqda: “Istiqlol” oʼyingohida taʼmirlash ishlari yakunlandi

×

Viloyat hokimi Xayrullo Bozorov taʼmirlash ishlari yakunlangan Fargʼona shahridagi “Istiqlol” oʼyingohida boʼldi. Xalqaro talablarga mos sport arenasiga aylanayotgan oʼyingohda yakuniy sinov jarayonlari amalga oshirilmoqda.

2022 yilning yanvarь oyidan buyon amalga oshirilayotgan taʼmirlash ishlari doirasida asosiy futbol maydoni ostida joylashgan drenaj tizimi toʼliq yangilanib, futbol maydonini sugʼorish uchun Yevropa standartlariga mos keladigan avtomatlashtirilgan qurilmalar oʼrnatildi. Maydonda xorijdan 4 faslga moslashgan 2 xil turdagi “Turfline Ye” hamda “Genta” maysa urugʼlari olib kelib ekilib, ayni kunda yam-yashil unib chiqqan chimlarni koʼrish mumkin. Ularni parvarishlash uchun xorijdan yangi zamonaviy maxsus texnika vositalari olib kelingan.

Futbol maydoni atrofida joylashgan yugurish yoʼlakchalari ham qayta taʼmirlandi. Umumiy binolarni ham taʼmirlash ishlari amalga oshirildi. Shuningdek, futbol maydonini yoritish tizimi Osiyo Futbol Konfederatsiyasi talablariga mos keladigan 1800 lyuks quvvatga ega boʼldi.