1. Bosh sahifa
2. Yangiliklar

Fargʼona shahridagi 47 ta umumtaʼlim maktablarining barchasida “Yangi Oʼzbekistonda el aziz, inson aziz” shiori ostida “Bilimlar kuni” tadbirlari oʼtkazildi

×

Bugun Fargʼona shahridagi xalq taʼlimi boʼlimi tasarrufidagi 43 ta oʼrta taʼlim maktablari, 2 ta maxsus va 2 ta viloyat tasarrufidagi maktab-internatlarida 2022-2023 oʼquv yili boshlandi.
Hayajonli tadbirlarda viloyat va shahar hokimliklarining vakillari, boshqarmalar, korxona va tashkilotlar rahbarlari, xalq deputatlari Fargʼona shahar Kengashi deputatlari, mahalla fuqarolar yigʼinlari xodimlari va keng jamoatchilik vakillari ishtirok etishdi.

Qoʼshaloq tadbirda soʼzga chiqqanlar mustaqilligimiz bergan imkoniyatlar, yurtimizda taʼlim sohasida olib borilayotgan islohotlar samarasi, oʼqituvchi va yoshlar uchun yaratib berilayotgan qulayliklar haqida taʼkidlab oʼtdilar. Ustoz-murabbiylar hamda oʼquvchilarga boshlangan oʼquv yilida omad va zafarlar tilandi.

Tadbirda bu yil ilk bora maktab ostonasiga qadam qoʼygan 5972 nafar jajji oʼquvchilarga Prezident sovgʼalari topshirildi.