1. Bosh sahifa
2. Yangiliklar

RASMIY MUNOSABAT

×

Farg’ona shahar Sohibqiron Temur va Alisher Navoiy ko’chalari kesishmasida bundan taxminan bir hafta avval ekilgan to’rt tup archa daraxtlari noma'lum shaxslar tomonidan sug’urib tashlanganligi hamda o’rni ko’mib ketilganligi bo’yicha ijtimoiy tarmoqlarda xabar tarqaldi.

Ijtimoiy tarmoqlarda tarqalgan ushbu vaziyat Farg’ona shahar Ekologiya va atrof-muhitni muhofaza qilish inspektsiyasining mas'ullari tomonidan bevosita joyida atroflicha o’rganildi.

Darhaqiqat, o’rganish davomida Farg’ona shahar Alisher Navoiy mahalla fuqarolar yig’ini hududida joylashgan Sohibqiron Temur va Alisher Navoiy ko’chalari kesishmasidagi to’rt tup archa (sosna) daraxtlari noma'lum shaxslar tomonidan sug’urib ketilganligi ma'lum bo’ldi.

Biroq, sug’urib ketilgan to’rt tup archa daraxtlari bevosita sug’urib olgan noma'lum shaxslar tomonidan shu hududning o’zida yo’l chetiga tashlab ketilgan. Ayni damda Farg’ona shahar Ekologiya va atrof-muhitni muhofaza qilish inspektsiyasining mas'ullari tomonidan mazkur daraxtlar Farg’ona shahar Quvasoy ko’chasida  joylashgan  Rus dramma teatrining old tomonidagi bo’sh yer maydoniga ekilganligi ma'lum qilinadi.

Bizni ijtimoiy tarmoqlarda kuzating
Facebook | Telegram