1. Бош сахифа
2. Янгиликлар

Парвозинг баланд бўлсин, она тилим – мустақил юртим

1989 йил 21 октябрь ўзбек тилига давлат тили мақоми берилган кун сифатида тарих зарварақларидан ўрин олган бўлса-да, аслида бу сана билан Ўзбекистон мустақилликка илк қадамини ташлади.

Юртимиз мустақилликка эришгунига қадар ўзбек тили давлат тили сифатида фақат қоғоздагина қолиб кетганлиги ҳеч кимга сир эмас. Чунки ўша вақтларда иш қоғозлари фақат рус тилида олиб борилар, ўзбек миллати олдида унинг (она) тили ҳеч қандай аҳамият касб этмасди.

Шукурки, 1991 йилдан биз бугунги кундаги ўз эрамизни, фаровон ҳаётимизни қўлга киритдик. Мустақиллик бизга миллий ғурур, бахт ва шаҳд ҳамда ҳуррият берди. Мана 29 йилдирки, мамлакат ривожланишдан тўхтагани йўқ. Буларнинг барчаси мустақилликнинг шарофати, тинч ва осойишта замонамизнинг маҳсулидир.

Агар озодлик ва эркинлик бўлмаганида эди, тил тараққиётда бунчалар юксалмаган, бугунгидек эъзозланмаган, қадрланмаган бўлар эди. Ўзбек тилим қадрли, мустақиллигимиз эса абадий бўлсин!

Ф.Мамажонов,

Фарғона шаҳар ҳокимининг маслаҳатчиси