1. Бош сахифа
2. Янгиликлар

Мақолангизни ўқидик...

Жорий йилнинг 02 июль куни Ўзбекистон Миллий ахборот агентлиги – “uza.uz” сайтида “Фарғонача атама: “Я и Ты”, “Теремок”, “Молодец”...” сарлавҳаси остида мақола эълон қилинди.

Шундан сўнг Фарғона шаҳар ҳокимлигининг ишчи гуруҳи Ўзбекистон Республикасининг “Давлат тили ҳақида”ги қонуни ижросига қаратилган чора-тадбирларни амалга ошириш мақсадида масалани жойига чиқиб, бевосита тадбиркорлик субъектлари иштирокида муҳокама қилди.

Суҳбат жараёнида ишчи гуруҳ томонидан тадбиркорлик субъектларига қонун талаблари тўғрисида атрофлича тушунтиришлар бериб ўтилди. Аксарият камчиликлар муҳокама жараёнининг ўзида бартараф этилди. Айримларига муддат белгиланиб, бир қатор тавсиялар берилди.

Фарғона шаҳар ҳокимлиги “uza.uz” сайтига давлат тили ҳақидаги қонун ижросига эътибор билан муносабатда бўлганлиги учун миннатдорлик билдиради.

Ф.Мамажонов,

Фарғона шаҳар ҳокимининг маслаҳатчиси