1. Бош сахифа
2. Янгиликлар

Фарғона шаҳар ҳокимлигининг билдириши

Фарғона шаҳар Ибн Сино номли маҳалла фуқаролар йиғини Янги аср кўчаси 170-уй 21-хонадонида рўйхатдан ўтмаган ҳолда яшовчи, 1981 йилда туғилган фуқаро Р.Зоҳидованинг ижтимоий тармоқларда қолдирган мурожаати бўйича ўрганилганда, қуйидагилар маълум бўлди.

Фуқаро Р. Зоҳидова Ибн Сино маҳалла фуқаролар йиғинига бир марта ҳам ёзма ёки оғзаки равишда 14 ёшгача нафақа пули сўраб мурожаат қилмаган. Унга МФЙ томонидан нафақа пули берилиши учун Ибн Сино номли МФЙ раиси номига ойнинг 15 санасига қадар ёзма равишда ариза ва керакли ҳужжатлар тақдим этгандан сўнг Вазирлар Маҳкамасининг 2013 йил 15 февралдаги 44-сон қарори бўйича нафақа тайинлаш комиссияси томонидан  ўрганиб чиқилиши тушунтирилди.

Уй-жой масаласи тегишинча ўрганиб чиқилмоқда.

Р.Зоҳидовага “Саховат ва кўмак” хайрия фонди томонидан озиқ-овқат маҳсулотлари билан таъминланган.