1. Бош сахифа
2. Янгиликлар

ФАРҒОНАДА КАСАЛЛИКДАН ШИФО ТОПГАНЛАР СОНИ 84 НАФАРГА ЕТДИ

Бугун Фарғонада коронавирусга чалинган навбатдаги 8 нафар бемор тўлиқ соғайди. Улар вилоят соғлиқни сақлаш бошқармаси масъуллари иштирокида Фарғона тумани Чимён қишлоғида жойлашган “Нурафшон” санаториясига реаблитацияга кузатилди.

Соғайган беморларнинг 7 нафари Туркиядан, 1 нафари Россиядан келган ва карантинга олинган фуқаролардир. Уларнинг 4 нафари Фарғона вилояти ва Тошкент шаҳридан, қолганлари эса Самарқанд, Бухоро, Андижон ва Наманган вилоятларидандир.

- Фарғона вилояти юқумли касалликлар шифохонасида беморларга барча шароитлар яратилган. Биз даволаниш жараёнида бирор-бир қийинчиликка учрамадик, - дейди Бухоро вилоятидан бўлган 61 ёшли онахон. - Шундай меҳрибон Юртбошимиз, ғамхўр давлатимиз борлигидан беҳад мамнунмиз.

Эслатиб ўтамиз, Фарғона вилоятида жами 84 нафар беморлар коронавирус касаллигидан буткул соғайди.

Фарғона вилояти ҳокимлиги Ахборот хизмати