1. Бош сахифа
2. Янгиликлар

Фарғона шаҳрида ҳомийлик хайрия карвони йўлга чиқди

Фарғона шаҳар 4 та сектори томонидан “Маҳалла” жамғарма фонди билан ҳамкорликда марказлашган ҳолда шаҳардаги ногиронлиги бўлган, якка ёлғиз, боқувчисини йўқотган ва Улуғ Ватан уруши қатнашчиларига ҳомийлик хайриялари тақдим этилди.

8 хил турдаги маҳсулотлар маҳалла фукаролар йиғинлари раислари бошчилигида карантин ва санитария-гигиена қоидаларига тўлиқ риоя қилган ҳолда уйларига етказиб берилди.

Фарғона шаҳар 1-секторда 20 та, 2-секторда 18 та маҳалла фуқаролар йиғинларида истиқомат қилиб келаётган болаликдан ногиронлиги бўлган фуқаролар ва якка-ёлғизлар кундалик ҳаёт учун зарур бўлган маҳсулотлар ва тиббий воситалар билан таъминланди.

Бугуннинг ўзида 4-сектор ҳудудидаги жами 300 та хонадонга кириб борилди.

Шунингдек, Фарғона шаҳридаги барча маҳалла фуқаролар йиғинларида кўчма дўконлар мунтазам фаолият юритиб, барча турдаги маҳсулот ва товарларни аҳоли яшаш жойларига беминнат етказилмоқда.

Уйда қолинг ва ўзингизни асранг!