1. Бош сахифа
2. Янгиликлар

Фарғона шаҳар ҳокимига янги ўринбосар тайинланди

Фарғона шаҳрида бўлиб ўтган вилоят фаоллари йиғилишида халқ депутатлари шаҳар Кенгаши депутатлари, сектор раҳбарлари, шаҳар ҳокимининг ўринбосарлари, жамоат ташкилотлари мутасаддилари ҳамда ОАВ вакиллари иштирок этди.

Шаҳар ҳокими Ҳ.Ҳабибидинов бошқариб борган йиғилишда Президентимизнинг жорий йил 18 февралдаги “Жамиятда ижтимоий-маънавий муҳитни соғломлаштириш, маҳалла институтини янада қўллаб-қувватлаш ҳамда оила ва хотин-қизлар билан ишлаш тизимини янги даражага олиб чиқиш чора-тадбирлари тўғрисида”ги фармонига мувофиқ, ташкилий масала кўрилди. Фуқаролар ўзини ўзи бошқариш органлари фаолиятини мувофиқлаштириш бўйича Фарғона шаҳар кенгаши раисининг биринчи ўринбосари вазифасида ишлаб келаётган Фарҳод Жўраев шаҳар ҳокимининг ўринбосари – Маҳалла ва оилани қўллаб-қувватлаш бўлими бошлиғи этиб тайинланди.

Фаоллар йиғилишида вилоят ҳокимининг ўринбосари Ф.Қосимов сўзга чиқди.