Юридик ва жисмоний шахслар томонидан веб сайт орқали бўлган мурожаатлар
Жами мурожаатлар: 38Ишонч телефони статистикаси
Фарғона шаҳар қурилиш бошқармасининг билдириши
2019-12-09 10:17:54 1545
Ижтимоий тармоқларда Фарғона шаҳри Усмон Носир кўчасида номаълум тадбиркор болалар майдончасини эгаллаб, автотураргоҳ қурмоқда, деган хабар тарқалди.
Ушба ҳолат юзасидан қуйидагиларни маълум қиламиз.
Фарғона шаҳар “Янги Сой” маҳалла фуқаролар йиғинининг 2019 йил 4 ноябрдаги аризаси белгиланган тартибда Фарғона шаҳар қурилиш бошқармаси мутахассислари томонидан У.Носир кўчаси 1-сон кўп қаватли турар-жой олдидаги бўш ер майдонига “MPS GASTRO-MED” МЧЖ раҳбарияти томонидан ноқонуний равишда қурилиш ишлари бошланганлиги жойига чиқиб ўрганилган.
Бошқарма архивида сақланиб келинаётган ҳужжатларга асосан, Фарғона шаҳар У.Носир кўчасида жойлашган бино-иншоотлар фуқаро Э.Тоштемировга тегишли бўлган кир ювиш цехи ҳисобланади.
Э.Тоштемировнинг Фарғона шаҳар ҳокими номига ёзган аризаси, Фарғона шаҳар ер ресурслари ва давлат кадастри бўлими, Фарғона шаҳар ёнғин хавфсизлиги бўлими, Фарғона шаҳар Давлат санитария эпидемиология назорати маркази, Фарғона шаҳар Архитектура ва қурилиш бошқармасининг хулосалари ҳамда Фарғона шаҳар ҳокимлиги аҳоли пунктларида комплекс қурилишларга рухсат бериш бўйича доимий ҳаракатдаги комиссиясининг 2018 йил 14 март кунги далолатномасига асосан унга тегишли бўлган кир ювиш цехи биносини қайта таъмирлаш йўли билан мактабгача таълим муассасига мослаштиришга ҳамда орқа ва ён томонларидаги 1700 кв.метр ер майдонини ободонлаштириш ва кўкаламзорлаштириш учун бириктириб берилган. Бу ҳақида Фарғона шаҳар ҳокимининг 2018 йил 23 мартдаги 364-сон қарори қабул қилинган.
