1. Бош сахифа
2. ШАҲАР ҲАҚИДА
3. Тошкент тиббиёт академияси Фарғона филиали

Тошкент тиббиёт академияси Фарғона филиали

Тошкент тиббиёт академияси Фарғона филиали Ўзбекистон Республикаси Вазирлар Махкамасининг 1998 йил 3 июндаги 239-сонли қарорига биноан Фарғона Давлат Университети қошидаги «Тиббиёт маркази» асосида ташкил қилинган. Филиал ҳозирги вақтда Республикадаги тиббиёт олий ўқув юртлари билан бир қаторда Республикамиз вилоятлари учун «Тиббий-профилактика иши» ва “Олий ҳамширалик иши” ихтисосликлари бўйича “Врач умумий гигиенист-епидемиолог ” ва “Олий маълумотли ҳамшира”ларни тайёрловчи тиббиёт олий ўқув юртидир.

Бугунги кунда филиалнинг 6-курсида 432 талаба таҳсил олмоқда. Талабалар билан ўқув-тарбиявий ишларни филиалнинг 56 профессор-ўқитувчилари олиб борадилар. Уларнинг 30 нафари илмий даражали ўқитувчилардир ( 7 нафар фан докторлари, профессорлар ва 23 нафар фан номзодлари, досентлар).

Ўқув жараёни филиал таркибидаги 8 кафедранинг назарий ва амалий ҳамда клиник базаларида олиб борилади.

Ҳозирги вақтда филиал умумий майдони 8224 кв.м бўлган Фарғона шаҳар Янги Турон кўчаси 2 уйда жойлашган. Клиник кафедралар еса РШТЁИМ Фарғона филиали ва 4-шахар касалхонасининг 3-болалар поликлиникасида жойлаштирилган.

Ўқув жараёнини ташкил қилишда хозирги вақтда 100 замонавий компютердан иборат Филиалнинг компютер паркидан фойдаланилмоқда. Филиалда “Ахборот-ресурс маркази” ташкил қилинган. Ахборот ресурс маркази ва унинг филиалларидаги ўқув заллари интернет билан боғланган компютер, принтер, сканнер ҳамда нусха кўчириш аппаратлари билан таъминланган.

Хозирги вақтда филиалда видео-иккилик, компютер ва видеопроекторлар билан таъминланган 9 та маъруза заллари, фанлар бўйича 12 та, шу жумладан мутахассислик фанларидан 8 та ўқув лабораториялари ташкил қилиниб, 60 га яқин турли замонавий аппаратлар ва махсус лаборатория анжомлари билан жиҳозланди. Филиал кутубхонаси кейинги 3 йил ичида 11397 дона дарслик ва ўқув қўлланмалари билан бойитилиб, умумий китоб фонди 35 000 га йетказилди. Хозиргача филиални 350 нафардан ортик ёш мутахассислар битириб чиққан. Улардан 60%и Фарғона водийси вилоят, шахар ва туман ДСЕНМ ларида, 25%и шифохона ва поликлиникаларда, 15%и ҳусусий тиббиёт муассасаларида ҳизмат қилмокда. Филиал кафедраларининг профессор-ўқитувчилари тиббиётнинг турли соҳалари бўйича белгиланган режаларга асосан илмий-тадқиқот ишларини олиб бормоқдалар. Илмий изланишлар ичида атроф-мухит ва ишлаб чиқариш омилларининг аҳоли ва ишчилар саломатлигига таъсири ҳамда улардан ҳимоя қилиш чора-тадбирларини ишлаб чиқиш, водийнинг турли ҳудудларининг екологик ҳолатини, сув, хаво ва тупроқнинг санитария ҳолати ва унга баъзи биологик омилларни таъсирини ўрганиш кенг ўрин олган. Илмий ишларнинг натижалари бўйича оҳирги йилларда 6 монография, 200 дан ортиқ журнал мақолалари ва 16 ўқув қўлланмаси чоп етилди. Илмий ишларнинг 12 таси узоқ хориж, 27 таси Марказий Осиё, 30 таси МДХ, 140 таси Республика илмий журналларида чоп етилган. Олиб борилган илмий ишлар натижаларини таҳлили бўйича 2001 ва 2003 йилларда Филиалда Республика миқёсидаги 2 та илмий-амалий анжуман ташкил қилинди ва ўтказилди. 1. Соглом авлодни вояга йетказишда ташқи екологик муҳит ва соғлом турмуш тарзининг ахамияти. (2001 йил 30-31 октябр)

2. Ўзбекистон аҳолиси ўртасида соғлом турмуш тарзини шакллантиришининг долзарб муаммолари (2003 йил 18-19 сентябр). Филиал ташкил қилингандан буён 7 фан доктори ва 5 фан номзоди тайёрланди. К .Додхох кучасидаги 3 каватли бинода талабалар турар жойи ташкил қилинган ва у 160 талабага мўлжалланган. Талабалар уйида талабаларнинг яшашлари, дам олишлари ва дарсларга тайёрланишлари учун зарур шароитлар мавжуд. У йерда “Ахборот-ресурс маркази” филиали, 2 та спорт зал ташкил қилинган.

Ҳозирда талабалар турар жойида турли тўгараклар ишлаб турибди.

Директор: Султанов Гафурджон Нематбекович

Манзил: Фағона шаҳар, 712000, Янгитурон кўчаси, 2а-уй

Телефон: (73) 243-06-62

Факс: (73) 243-06-62

 Расмий wеб сайт:  www.ttaff.uz

 Е-mail: fftma_info@edu.uz