1. Бош сахифа
2. Янгиликлар

"МАҲАЛЛАДА ДУВ-ДУВ ГАП" ТАДБИРЛАРИ КЎТАРИНКИ РУҲДА ЎТКАЗИЛМОҚДА

×

 “Янги ҳаёт учун, янги Ўзбекистон учун!” шиори остидаги “Маҳаллада дув-дув гап” маънавий-маърифий тадбирлари шаҳримизнинг Янгисой, Зарбдор, 1-Беш бола, Янги йўл ва Тшқимачилар маҳалла фуқаролар йиғинлари аҳолиси учун бўлиб ўтди. 

 
5-мактабда ўтказилган тадбирда нуронийлар, ёшлар, зиёлилар ҳамда турли соҳа вакиллари иштирок этдилар. Тадбирда сўз олганлар Президентимиз раислигида бўлиб ўтган республика Маънавият ва маърифат кенгаши йиғилишидаги устувор вазифалар хусусида тўхталишиб, жорий йилнинг илк кунларида ўзига хос кўтаринки кайфият бахш этаётган мазкур маънавий-маърифий учрашувларнинг мазмун-моҳияти ҳақида ўз фикрларини билдириб ўтдилар. 

Янги Ўзбекистонни бунёд этиш йўлида амалга оширилаётган кенг кўламли ислоҳотлар ҳамда эришилаётган ютуқлар шаҳримиз мисолида тадбир иштирокчиларига ҳаётий мисоллар ва далиллар орқали яна бир бор етказилди. Фарғона шаҳар маданият бўлими  санъаткорлари ижросидаги куй-қўшиқлар тадбир иштирокчиларига манзур бўлди.