1. Бош сахифа
2. Янгиликлар

Расмий муносабат

×

Ижтимоий тармоқларда Фарғона шаҳридаги Аҳмад Фарғоний номидаги истироҳат боғига кириш йўлаклари бетон билан тўсилганлиги юзасидан мурожаат тарқалди. 

Аҳмад Фарғоний номидаги истироҳат боғида 25 декабрь санасидан бошлаб Янги йил тадбирлари ўтказилмоқда. Ҳар кунлик тадбирларда кўп сонли аҳоли вакиллари, таълим муассасалари ўқувчилари иштирок этишмоқда.

Фуқаролар хавфсизлигини таъминлаш мақсадида истироҳат боғига автомобиллар кириши учун мўлжалланган йўлакларга кўчма бетон тўсиқлар қўйилган. Фавқулодда вазиятлар рўй берган ҳолатларда фойдаланиш учун махсус кириш йўллари борлигини ҳамда тўсиқлар байрам қатнашчилари ва пиёдалар учун ноқулайликлар келтирмаётганлигини, шунингдек кўчма бетонлар маданий тадбирлар якунланганидан сўнг олиб ташланишини маълум қиламиз.