1. Бош сахифа
2. Янгиликлар

Қиргули мавзеидаги "Дўстлик уйи"да навбатдаги сайёр қабул ўтказилди

×

Шаҳар ҳокимлиги томонидан ташкилланган сайёр қабулда Фарғона шаҳар ҳокими Восилжон Назаров, секторлар раҳбарлари, Ўзбекистон Республикаси Президенти Халқ қабулхонасининг шаҳар бўлими мудири Таваккалжон Раҳимов, ҳоким ўринбосарлари ҳамда корхона ва ташкилотлар раҳбарлари иштирок этишди.

Бугунги сайёр қабулда вилоят ҳокими ўринбосари Хожиқўзижон Исақов ҳамда вилоятдаги корхона ва ташкилотлар раҳбарлари ҳам қатнашдилар. Қиргули мавзеидаги "Дўстлик уйи"нинг фаоллар залида олтмиш нафардан ортиқ фуқароларнинг мурожаатлари масъул раҳбарлар иштирокида ўрганилди. Йигирма нафарга яқин  фуқароларнинг мурожаатлари ижобий ҳал қилинди.

Келиб тушган мурожаатларни ўрганиш ва натижаси бўйича муаллифларга маълум қилиш учун масалага дахлдор ходимлар, корхона, ташкилот ва бўлимларга тегишли топшириқлар берилди. Қабул сўнгида юридик ва жисмоний шахслардан тушган мурожаатларнинг ўрганилганлик ҳолати ҳамда ижобий ҳал этилиши бўйича танқидий таҳлил қилинди.