1. Бош сахифа
2. Янгиликлар

Фарғона шаҳридаги Иккинчи жаҳон уруши фахрийларига байрам совғалари топширилди

×

Фарғона шаҳрида 4 нафар Иккинчи жаҳон уруши қатнашчилари истиқомат қилишади. Аввалроқ, вилоят ҳокими ва кенг жамоатчилик вакиллари Фарғона шаҳрида яшовчи Фатина ая Шарипова  хонадонига ташриф буюришгани ҳақида хабар берган эдик. 

Бугун шаҳар секторлар раҳбарлари ва кенг жамоатчилик вакиллари ҳам яна уч нафар фахрли инсонларнинг хонадонларига ташриф буюришди.  Жумладан, "Машъал" МФЙ Ал-Фарғоний кўчаси 3-уйда яшовчи Вяльсева Вера Григорьевна, "Маърифат" маҳалласилик Татьяна Усманова  ҳамда "Ойбек" маҳалла фуқаролар йиғини Паҳлавон Маҳмуд кўчаси 46-уйда яшовчи Шарова Лариса Зуфаровналар ҳолидан хабар олинди.

Сектор раҳбарлари Янги йил байрами муносабати билан Давлатимиз раҳбарининг табригини ўқиб эшиттирдилар. Мукофотлар, байрам совғалари ҳамда зарурий озиқ-овқат маҳсулотлари топширилди.

Кекса-нуронийлар уларга кўрсатилаётган ғамхўрликдан мамнун бўлишиб, юртимиз тинч, осмонимиз мусаффо, мустақиллигимиз абадий бўлишини тилаб дуо қилдилар.