1. Бош сахифа
2. Янгиликлар

Навбатдаги сайёр қабул Қиргули мавзеида ўтказилди

×

Бугун шаҳар ҳокимлиги томонидан ташкилланган сайёр қабулда Фарғона шаҳар ҳокими Восилжон Назаров, сектор раҳбарлари, Ўзбекистон республикаси Президенти Халқ қабулхонасининг шаҳар бўлими мудири Таваккалжон Раҳимов ҳамда ҳоким ўринбосарлари иштирок этишди.

Қиргули мавзеидаги "Дўстлик уйи"нинг фаоллар залида саксон нафардан ортиқ фуқароларнинг мурожаатлари масъул раҳбарлар иштирокида ўрганилди. Ўттиз нафарга яқин  фуқароларнинг мурожаатлар ижобий ҳал қилинди.

Келиб тушган мурожаатларни ўрганиш ва натижаси бўйича муаллифларга маълум қилиш учун масалага дахлдор ходимлар, корхона, ташкилот ва бўлимларга тегишли топшириқлар берилди. Қабул сўнгида юридик ва жисмоний шахслардан тушган мурожаатларнинг ўрганилганлик ҳолати ҳамда ижобий ҳал этилиши бўйича танқидий таҳлил қилинди.