Юридик ва жисмоний шахслар томонидан веб сайт орқали бўлган мурожаатлар
Жами мурожаатлар: 38Ишонч телефони статистикаси
Фарғона шаҳрида 5 нафар етим ва ота-она қарамоғидан маҳрум бўлган ёшлар ўз уйларига эга бўлдилар
2023-11-09 13:08:43 2270
2022 йили шаҳримизда 18 ёшга тўлган 6 нафар етим ва ота-она қарамоғидан маҳрум бўлган ёшларга уй-жой ажратилган бўлса, жорий йилнинг шу кунига қадар эса 17 нафар йигит-қиз таъмирланган ва тўла жиҳозланган уй-жой эгасига айланишди.
Фарғона шаҳрида истиқомат қилувчи 5 нафар етим ва ота-она қарамоғидан маҳрум бўлган ёшларга ажратилган хонадонларнинг калитлари кенг жамоатчилик иштирокида топширилди.
Давлатимиз раҳбари томонидан етим болалар ва ота-она қарамоғидан маҳрум бўлган болаларнинг ҳуқуқ ва эркинликларини рўёбга чиқариш, ижтимоий ҳимоясини кучайтириш, уларни давлат томонидан қўллаб-қувватлаш масаласига катта эътибор қаратилмоқда.
Амалга оширилган ишлар учун Давлатимиз раҳбарининг кўрсатмаси билан уй-жой сотиб олишга республика бюджети маблағларидан ажратилган бўлса, таъмирлаш ва жиҳозлаш ишлари учун маҳаллий бюджетнинг орттириб бажарилган қисмидан сарфланди.
Бугунги тадбирда вилоят ҳокими ўринбосари Файзуллажон Қосимов, шаҳар ҳокими ўринбосари Юсуфжон Юсупов ҳамда кенг жамоатчилик вакиллари иштирок этишди. Ёшлар қувончига шерик бўлган масъуллар янги уйларда яратилган шарт-шароитлар билан ҳам яқиндан танишдилар.
Ўз уйига эга бўлишдек бахтга эришган ёшлар, Президентимизга чексиз миннатдорчиликларини изҳор этиб, келажакда эл-юртга садоқат билан хизмат қиладиган инсонлар бўлишга ваъда бердилар.
