1. Бош сахифа
2. Янгиликлар

“Ички ишлар органлари ходимлари куни”байрами муносабати билан Фарғона шаҳрида тадбир бўлиб ўтди

×

25 октябрь - “Ички ишлар идоралари ходимлари куни” муносабати билан "WINE GARDEN" тантаналар саройида тадбир бўлиб ўтди. Унда сектор раҳбарлари, масъул идораларнинг раҳбарлари ҳамда соҳа вакиллари иштирок этишди.

Тадбирда шаҳар ҳокими ўринбосари Юсуфжон Юсупов сўзга чиқиб шаҳримиз ҳудудида жиноят ва ҳуқуқбузарликларни олдини олиш борасида ички ишлар органлари томонидан тезкор-профилактик чора-тадбирлар олиб борилаётгани, бунда ҳар бир ходимнинг алоҳида ўрни борлигини эътироф этди.

 
Шунингдек тадбирда сўз олган шаҳар ИИО ФМБ бошлиғи Анваржон Мирзаев сўнгги йилларда ички ишлар органларида олиб борилаётган туб ислоҳотларнинг самарасига тўхталар экан, бу борада айниқса ходимлар ва фахрийларнинг ижтимоий-ҳуқуқий ҳимоясини кучайтиришга қаратилган чора-тадбирлар бугун алоҳида эътиборда эканлигини яна бир бор таъкидлаб ўтди. 

Шундан сўнг ўз хизмат вазифаларига сидқидилдан ёндашиб, жиноятчиликка қарши курашиш ва унинг олдини олиш, жамоат тартибини сақлаш билан бир қаторда шаҳримиз ҳудудида олиб борилаётган тадбирларда фаол иштирок этиб келаётган фидойи ходимларнинг бир гуруҳига 25 октябрь – “Ички ишлар органлари ходимлари куни” муносабати билан шаҳар ҳокимлигининг қимматбаҳо совғалари топширилди.