Юридик ва жисмоний шахслар томонидан веб сайт орқали бўлган мурожаатлар
Жами мурожаатлар: 38Ишонч телефони статистикаси
Беҳрузбек Қорабоевга ҳам Қиргули мавзеидан янги уй топширилди
2023-10-13 12:32:39 2457
Яқинда Фарғона шаҳрилик Алишер Собиров ва Комилахон Юсуповалар номларига расмийлаштирилган квартиралар калитларини қабул қилиб олган эдилар.
Навбатдаги уй Беҳрузбек Қорабоевга "Юлдуз" маҳалла фуқаролар йиғинидан топширилди. Эътиборлиси, хонадон барча маиший ва зарур уй-рўзғор жиҳозлари билан тўлиқ таъминланди.
– Мен бу кўрсатилган ғамхўрликдан жуда мамнунман, – дейди Беҳрузбек Қорабоев.- Келажакда халқимиз ва Президентимиз ишончини албатта оқлайман.
Жорий йилда Фарғона шаҳрида меҳрибонлик уйларининг 7 нафар битирувчиларига "Меҳр дафтари" жамғармаси маблағлари ҳисобидан уй-жойлар ажратилган эди. Шунингдек, яна 11 нафар чин етим ва ота она қарамоғидаги маҳрум бўлган болаларга ҳам уй-жой топширилиши белгиланганди. Айни кунга қадар 3 нафар ёшларга янги уйлар берилди. Ой якунига қадар яна 8 нафар ёшларга янги уйлар топширилади.
