Юридик ва жисмоний шахслар томонидан веб сайт орқали бўлган мурожаатлар
Жами мурожаатлар: 38Ишонч телефони статистикаси
Лойиҳа таклифи кенг жамоатчилик томонидан қўллаб-қувватланди
2023-09-26 09:59:17 1520
Фарғона шаҳрида аҳоли саломатлигини сақлаш ва профилактик тадбирларни ўтказиш борасида ҳам салмоқли ишлар амалга оширилмоқда. Санитария-эпидемиологик осойишталик ва жамоат саломатлиги бошқармасининг шаҳар бўлимида сўнгги йилларда кенг ислоҳотлар олиб борилди.
Аҳоли саломатлигини сақлаш, профилактика мақсадида юқумли касаллик аниқланган эпид ўчоқлар, жумладан, мактаб, мактабгача таълим ташкилотлари, аҳоли гавжум тўпланадиган жойлар ҳамда яшаш уйларида хонадонбай ишлаш тизими бўйича тадбирлар ўтказилмоқда.
Албатта, бу тадбирларни ўтказиш учун замонавий ускуналар зарурияти бор эди. Давлатимиз раҳбари томонидан ҳаётга татбиқ этилган "Ташаббусли бюджет" лойиҳаси орқали мазкур муаммоларга ечим топилди.
Соҳа ходимлари томонидан илгари сурилган эзгу ташаббус кенг жамоатчилик вакиллари, фуқаролар, тиббиёт йўналишида фаолият олиб бораётганлар иштирокида қўллаб-қувватланди. Ғолиб бўлган лойиҳа асосида бўлимга 850 млн. сўмлик иш жараёнларида фойдаланиладиган замонавий ускуналар сотиб олинди.
Соҳа ходимларининг таъкидлашича, замонавий ускуналар ёрдамида иш самарадорлиги, аниқлик, тезкорлик анчагина ошган. Батафсил видеолавҳа орқали танишишингиз мумкин.
