1. Бош сахифа
2. Янгиликлар

Фарғона шаҳрида илк Моделлик мактаби очилди

×

Шаҳризода Мадаминова раҳбарлигида очилган Моделлик мактабининг тантанали очилиш маросимида шаҳар ҳокими ўринбосари Дилшодахон Холматова ва кенг жамоатчилик вакиллари иштирок этишди.

Мазкур "MADAM'S Modeling Agency" моделлик мактабининг лойиҳа қиймати 150 минг  долларни ташкил этади. Агентликда ҳозирги кунда 7 та иш ўрни яратилди. Агентлик иш фаолиятини 10 нафар ёш қизларни моделликка ўргатиш ўқув курсини очишдан бошлади. Шунингдек, агентлик ательеси ҳамда байрам ва базм либосларини ижарага бериш ҳам йўлга қўйилди.

Маҳаллада фаолият олиб бораётган ҳоким ёрдамчиси Жаҳонгир Акрамов ҳам мазкур лойиҳа билан танишди. Унинг тавсиясига кўра, ёш тадбиркор Шаҳризода Мадаминовага 33 млн. сўм имтиёзли кредит ажратилди. 

Моделлик агентлиги томонидан 5-30 ёшдаги хотин-қизларни моделлик йўналишида ўқитиш бўйича курслар ташкил этилган. Шунингдек, агентликдаги ўқув курсларининг малакали мураббийлари томонидан корхона ва ташкилотлар, таълим муассасаларининг буюртмаларига асосан, уларнинг ходим ва ўқувчиларини байрам тадбирларига чиқишлари ва саҳна кўринишларига кўмаклашиш хизматининг ҳам очилганлиги тадбир иштирокчилари томонидан алоҳида эътироф этилди.