Юридик ва жисмоний шахслар томонидан веб сайт орқали бўлган мурожаатлар
Жами мурожаатлар: 38Ишонч телефони статистикаси
Корхонанинг тажрибали ишчилари ҳар ойда 7 миллион сўмгача маош олишмоқда
2023-09-20 12:32:54 1373
"Табассум" маҳалласида тадбиркор Абдуғаффар Қодиров томонидан "Кийик шоэс" МЧЖга асос солиниб, хотин-қизлар учун оёқ кийимлари ишлаб чиқарилмоқда. У ерда 40 нафардан ортиқ ишчилар фаолият олиб боришмоқда. Ишчиларга кунлик иш ҳаққини тўлаш тартиби жорий қилинган. Ўртача кунлик 120 минг сўмдан маош тўланмоқда.
Энг тажрибали усталарнинг маоши ойлик 6-7 млн. сўмни ташкил этмоқда. Корхона томонидан 10 турга яқин аёллар пойабзаллари асосан ички бозорга, шунингдек, Тожикистон Республикасига ҳамда Тошкент, Самарқанд, Қўқон шаҳарларининг бозорларига ҳам етказиб берилади.
Корхонада ишчилар учун ҳам қулай шарт-шароитлар яратилган. Икки маҳал иссиқ овқат берилади. Айни кунларда қўшимча бино қурилиши олиб борилмоқда. Бу билан иш ҳажмини ошириш, янги иш ўринларини яратиш режа қилинган.
