1. Бош сахифа
2. Янгиликлар

Наргизахон Иргашева мактабгача ва мактаб таълими бўлими бошлиғи этиб тайинланди

×

Наргизахон Иргашева Фарғона шаҳар мактабгача ва мактаб таълими бўлими бошлиғи лавозимига тайинланди. Бу тўғрисида Республика мактабгача ва мактаб таълими вазирининг тегишли буйруғи қабул қилинди.   
Наргизахон Иргашева 1974 йилда Фарғона шаҳрида туғилган. Фарғона давлат университетини тамомлаган. 
Меҳнат фаолиятини 1994 йилда Марғилон шаҳридаги 16-мактабда она тили ва адабиёти ўқитувчиси лавозимида бошлаган. 2006-2014 йиллар давомида 2-Марғилон тиббиёт коллежида маънавий-маърифий ишлар бўйича директор ўринбосари, 2014-2018 йиллар давомида Ёрмозор академик лицейи директори сифатида фаолият кўрсатган.
2018 йилдан тайинловга қадар Фарғона шаҳар мактабгача таълим бўлими мудири лавозимида ишлаб келаётганди.
Бугун Фарғона шаҳар ҳокимлиги мажлислар залида Н.Иргашева соҳа ходимлари, таълим муассасалари раҳбарлари ва кенг жамоатчиликка таништирилди.