1. Бош сахифа
2. Янгиликлар

Қатағон қурбонлари хонадонларига ташриф буюрилди

×

31 август – Қатағон қурбонларини ёд этиш куни. Ушбу сана ҳамда Ўзбекистон Республикаси мустақиллигининг 32 йиллиги байрами муносабати билан Фарғона шаҳрилик Қатағон қурбонлари ёдга олинди. 
1937 йилда қатағон қурбони бўлган "Шодлик" маҳалласилик Қодирмирзо Жаҳонов, ёрмозорлик Мўйдинбек Додҳобековларнинг авлодлари билан шаҳар ҳокими Восилжон Назаров, сектор раҳбарлари, фаол нуронийлар учрашдилар.
Меҳмонлар оила аъзолари томонидан афсус билан ёд олинган тарихнинг аччиқ қисматини тингладилар. Қатағон қурбонларининг авлодлари ота-оналардан эшитганларини эслашиб, боболарининг сургун қилиниб, отилганидан сўнг ҳам қолган оила аъзолари хўрлангани, барча мол-мулклари мусодара қилингани, турмуш кечиришлари ёмонлашганини ёд олишди. 
Шунингдек, суҳбат давомида бугунги тинч, осойишта замонга шукроналик келтирилди. Ўтганлар хотираланиб, қуръон тиловат қилинди. Оила учун озиқ-овқат маҳсулотлари берилди.