1. Бош сахифа
2. Янгиликлар

Вилоят ҳокимлиги томонидан ўқувчилар учун ажратилган байрам совғалари эгаларига топширилди

×

Бугун вилоят ҳокими ўринбосари, оила ва хотин-қизлар бошқармаси бошлиғи Комилахон Кавлонова ҳамда шаҳар ҳокими ўринбосари Дилшодахон Холматовалар шаҳримиздаги 3 та эҳтиёжманд оилаларда яшовчи 5 нафар ўқувчиларга мактаб формалари, зарурий ўқув-қуроллари ҳамда сумкалари бўлган байрам совғаларини ўз эгаларига етказдилар.
Масъул раҳбарлар мазкур хонадонларда яшовчи оила вакиллари билан суҳбатлашишди. Давлатимиз мустақиллигининг 32 йиллиги байрами билан қутлашди. 
Шунингдек, оила вакилларининг муаммо ва камчиликларини ўрганишди. Ҳудудлардаги хотин-қизлар фаолларига тегишли топшириқлар берилди. Ёш авлодга таълим жараёнларида пухта билим олиб юксак марраларни эгаллашларини тилашди. 
Хонадон вакиллари фарзандлари учун кўрсатилган ёрдам ва ғамхўрликдан мамнун бўлишиб, ўз миннатдорчиликларини билдиришди.