1. Бош сахифа
2. Янгиликлар

×

Бугун Фарғона шаҳрида II устозлар миллий форуми ўтказилди
Тадбирга таълим соҳасининг турли тармоқларида фаолият юритаётган педагоглар,фахрий устозлар,ота-оналар таклиф қилинди. Форум давомида Фарғона шаҳар ҳокими Восилжон Назаров сўзга чиқиб, таълим соҳасини ривожлантириш учун янада қулай шароитлар яратиш, тўсиқ бўлаётган муаммоларни бартараф этиш бўйича муҳим ташаббусларни илгари сурди.
Япония таълими асосида шаҳардаги 26-мактабда таянч мактаби фаолияти йўлга қўйилиб, жорий йил якунига қадар Япония давлатидан жалб этилган хорижий маслаҳатчи Гото Микако хоним тажрибаси амалиётга жорий этилади. Форум давомида хорижий маслаҳатчи Гото Микако хоним ҳам сўзга чиқиб ўз фикр-мулоҳазаларини билдирди. 
Шунингдек, тадбир доирасида фаол ўқитувчиларга шаҳар ҳокимлигининг мукофотларини топшириш маросими ҳам бўлиб ўтди. Шундан сўнг, Ўзбекистон халқ ҳофизи Илҳомжон Иброҳимов, хушовоз хонандалар Дилафруз Ҳайитметова ҳамда Шароф Муқимовлар томонидан дилрабо куй-қўшиқлар ижро этилди.