1. Бош сахифа
2. Янгиликлар

ТАШАББУСЛИ БЮДЖЕТ: Мактабгача таълим ташкилотининг атроф деворлари янгиланмоқда

×

"Ташаббусли бюджет" орқали кўплаб маҳаллаларнинг инфратузилмаси яхшиланмоқда, корхона ва ташкилотларнинг моддий-техник базаси яхшиланмоқда, шунингдек таълим муассасалари бўйича тушган таклифлар ҳам ғолиб бўлиб, қурилиш ва таъмирлаш ишлари олиб борилмоқда.
23-ДМТТнинг атроф деворини янгилаш бўйича тушган таклиф ташкилот ходимлари, маҳалла фуқаролари ҳамда ота-оналар томонидан қўллаб-қувватланди. 
Қурилиш корхонаси томонидан мактабгача таълим ташкилотининг 300 метрдан ортиқ атроф деворини янгилаш ҳамда иккита ёзги айвонлар қуриш учун 300 млн. сўмга яқин маблағ ажратилган. Ҳозирда ишчилар томонидан пардозлаш ишлари бажарилмоқда. 
"Бўстон" маҳалла фуқаролар йиғини аҳолиси ва мактабгача таълим ташкилоти ходимлари ҳамда тарбияланувчилари амалга оширилаётган ишлардан, ёш авлод учун берилаётган эътибордан мамнун бўлишмоқда.