1. Бош сахифа
2. Янгиликлар

Экошаҳар ҳудудидаги "Яшил майдон"ларда кенг кўламли ишлар олиб борилмоқда

×

Хабарингиз бор, “Яшил макон” умуммиллий лойиҳаси доирасида мамлакатимизнинг барча ҳудудларида турли манзарали ва мевали дарахт кўчатлари экилиган. Бу борада Фарғона шаҳрида ҳам салмоқли ишлар бажарилди.
Ёзнинг иссиқ ҳароратида дарахтларни суғориш ва парваришлаш ишларига ҳам алоҳида эътибор қаратилди. Фарғона шаҳар ҳокими Восилжон Назаров бу борада олиб борилаётган ишларни кунлик назорат қилиб борди. Дарахтларни парваришлаш, янги яшил майдонларни барпо этиш юзасидан масъул раҳбарларга тегишли топшириқлар бериб борилди. 
Доимий тарзда вилоят экология бошқармасининг шаҳар инспекцияси ҳамда ободонлаштириш бошқармаси ходимлари томонидан дарахтларни тонги суғориш ва дорилаш ишлари бажариб келинмоқда.
Албатта, хушманзара табиати, гўзал боғлари, яшил майдонлари ҳамда хашаматли ва барча қулайликларга эга кўп қаватли уйлари бўлган маскан шаҳримизнинг "ташриф қоғози"га айланади.