1. Бош сахифа
2. Янгиликлар

Халқ депутатлари Фарғона шаҳар Кенгашининг олтинчи чақириқ тўқсон иккинчи сессияси бўлиб ўтди

×

Унда кун тартибига киритилган масалага дахлдор ташкилот раҳбарлари, маҳалла фуқаролар йиғинларида фаолият олиб бораётган ёшлар етакчилари иштирок этдилар. 

Сессия кун тартибида қуйидаги масалалар кўриб чиқилди:
-Ёшлар ишлари агентлиги Фарғона шаҳар бўлими томонидан 2023 йил олти ойи мобайнида амалга оширилган ишлар ҳақида(Маърузачи: Ёшлар ишлари агентлиги шаҳар бўлими бошлиғи Аҳаджон Акрамов)

-Ўзбекистон Республикаси Президентининг 2021 йил 5 ноябрдаги «Спорт таълими тизимини тубдан такомиллаштириш орқали олимпия ва паралимпия спорт турлари бўйича спортчилар захирасини шакллантириш сифатини янада ошириш чора-тадбирлари тўғрисида»ги ПҚ-5279-сонли қарори ижроси юзасидан (Маърузачи: Фарғона Олимпия ва паралимпия спорт турларига тайёрлаш Маркази директори Эгамберди Усмонов)

Шунингдек,  сессия ишида “Саховат ва кўмак” жамғармаси ҳисобидан эҳтиёжманд оилалар вакиллари ва беморларга бир марталик моддий ёрдам  ҳамда соғлиғини тиклаш мақсадида операция ва дори-дармон воситалари учун маблағлар ажратиш масалалари ҳам кўриб чиқилди. 

Халқ депутатлари шаҳар Кенгаши депутатлари томонидан муҳокама, таклиф ва мулоҳазалардан сўнг қарор лойиҳалари бир овоздан қабул қилинди.