1. Бош сахифа
2. Янгиликлар

ТАШАББУСЛИ БЮДЖЕТ: "Шакарқишлоқ" маҳалласига замонавий спорт майдончаси ва зиё маскани қурилди

×

Фарғона  шаҳрида "Ташаббусли бюджет" лойиҳаси доирасида спорт мажмуалари ва зиё масканлари ҳам қурилмоқда. Жумладан, "Шакарқишлоқ" маҳалла фуқаролар йиғинининг ёшлар етакчиси томонидан Тарона кўчасидаги кўп қаватли уйлар оралиғидаги бўш турган ер майдонига спорт майдончаси ҳамда зиё масканини қуриш таклифи "Очиқ бюджет" порталига жойлаштирилган эди. 

Мазкур таклиф маҳалла ёшлари, спортсевар фуқаролар ва кенг жамоатчилик вакиллари томонидан қўллаб-қувватланди. Ғолиб бўлган лойиҳа учун 600 млн. сўм маблағ ажратилди.

5 минг нафардан зиёд ёшлари бўлган маҳалла эндиликда ўз спорт мажмуаси, зиё маскани ҳамда тадбирлар ўтказиш майдонига эга бўлди. Ёшлар етакчисининг маълум қилишича, эндиликда 1-сектор ҳудудидаги маҳалла фуқаролар йиғинлари ёшлари иштирокида шу масканда бир қатор мусобақалар ҳамда маънавий-маърифий тадбирлар ўтказилиши белгиланган.

Мажмуанинг очилиш маросимида Фарғона шаҳар ҳокимлиги, Ёшлар ишлари агентлигининг вилоят бошқармаси ва шаҳар бўлими вакиллари, халқ депутатлари Фарғона шаҳар Кенгаши депутатлари ҳамда "Шакарқишлоқ" маҳалла фуқаролар йиғини фуқаролари ва ёшлари иштирок этишди. Тадбир иштирокчилари спорт майдончаларида ёшлар қувончига шерик бўлишди, зиё маскани фаолияти билан ҳам яқиндан танишдилар.

"Янги Ўзбекистон ёшлари бирлашайлик!" шиори остида ўтказилган маданий ва спорт тадбирлари барчага манзур бўлди. Тадбир давомида турли спорт мусобақаларида ғолиб бўлган маҳалла ёшларига эсдалик совғалари топширилди.