1. Бош сахифа
2. Янгиликлар

Ёш тадбиркор ҳунари билан кўплаб инсонларга ёрдам бермоқда

×

Ҳа, бундай инсонлар орамизда кам учрайди. Исмоилжон Неъматов 29 ёшда. "Нафосат" маҳалласидаги бўш турган бинони ижара асосида устахона учун олган. У ерда ўзи ва шогирдлари велосипедларни таъмирлашади

Асосан ҳовли уйларда яшовчи аҳоли хонадонларининг деярли ҳар бирида велосипед бор. Исмоилжон маҳалладаги эҳтиёжманд хонадонларнинг велосипедларини текинга таъмирлайди. Зарурий эҳтиёт қисмларини олиб келинса бас, дарров ўрнатиб берилади. Хизмат ҳаққи эса олинмайди. Шу кунларда кичик устахонада электр қуввати билан ҳаракатланувчи велосипед ва мопетларни таъмирлаш ҳам йўлга қўйилди.

Шунингдек, маҳалладаги айни кунларда таътилда бўлган беш нафар ўқувчилар устадан бу ҳунарнинг сир-асрорларини ўрганишмоқда. Ҳар ойда ўртача икки ярим миллион сўм атрофида даромад топаётган Исмоилжон шу ҳунарни эгаллаганидан жуда мамнун.

Ёш тадбиркор фаолиятини янада кенгайтириш бўйича янги лойиҳалар тайёрламоқда.