1. Бош сахифа
2. Янгиликлар

Фарғона шаҳрилик 7 нафар Меҳрибонлик уйлари битирувчиларига янги уйлар топширилди

×

Фарғона шаҳрилик 7 нафар Меҳрибонлик уйлари битирувчиларига янги уйлар топширилди
"Меҳр дафтари" жамғармаси маблағлари ҳисобидан Фарғона шаҳар ҳокимлиги томонидан жорий йил давомида 7 нафар ота-она қарамоғидан маҳрум бўлган Меҳрибонлик уйлари битирувчиларига янги уй учун ордер ва ушбу хонадон калитлари тантанали равишда топширилди. 

Навбатдаги сўнгги уй Диёрбек Исақовга Қиргули мавзеидан топширилди. Эътиборлиси, хонадон барча маиший ва зарур уй-рўзғор жиҳозлари билан тўлиқ таъминланди. 

– Мен бугун жуда ҳам ҳурсандман. Меҳрибонлик уйини битириб, Қозоғистон давлатига ишлаш учун бордим. У ердан қайтганимдан сўнг Фарғона шаҳар ҳокимлиги вакиллари Давлатимиз раҳбарининг ташаббуси билан менга уй берилишини айтишганда жуда ҳурсанд бўлган эдим. Бу уйда барча зарур шароитлар бор. Бу эътибор ва ғамхўрликдан жуда миннатдорман. Албатта, юртимиз учун хизмат қиладиган фидокор ва комил инсон бўлишга ҳаракат қиламан, – дейди Диёрбек Исақов.

Фарғона шаҳар ҳокимлиги 
Ахборот хизмати