1. Бош сахифа
2. Янгиликлар

Янги спорт зали иш бошлади

×

Фарғона шаҳридаги "Сойбўйи" маҳалла фуқаролар йиғинида янги спорт зали очилди. Тадбиркор Шукурилло Абдуллаев томонидан очилган "Brofit" спорт зали бир вақтнинг ўзида 100 га яқин спортсеварлар тренажёр ускуналаридан фойдаланишлари мумкин. 

Замонавий кўринишда бунёд этилган спорт залининг очилиш маросимида Фарғона шаҳар ҳокими Восилжон Назаров, сектор раҳбарлари ва кенг жамоатчилик вакиллари ҳамда спортсевар ёшлар иштирок этишди. 

Тадбир иштирокчилари спорт залида яратилган шарт-шароитлар билан яқиндан танишдилар. Фаолиятни янада кенгайтириш, янги иш ўринларини яратиш бўйича тавсиялар берилди. 

Айни кунларда спортчиларга хизмат кўрсатишни яхшилаш мақсадида ўндан ортиқ иш ўринлари яратилди. 

Фарғона шаҳар ҳокимлиги Ахборот хизмати