1. Бош сахифа
2. Янгиликлар

Фарғона шаҳрида яна бир

×

Маълумки, ёшларнинг бўш вақтларини мазмунли ўтказиш, ёшларнинг бугунги ислоҳотлар мазмун-моҳиятини тўла англаб етишлари, уларга яратилиб берилаётган шарт-шароитлардан унумли фойдаланишлари, энг асосийси ёшларнинг ўз ҳаётидан рози эканликларини таъминлаш маҳаллалардаги ёшлар етакчиларининг асосий вазифаларидан бири ҳисобланади.

Фарғона шаҳрида ҳам етакчилар томонидан маҳаллаларда ёшлар муаммоларини ўрганиш, уларнинг спортга, китобга бўлган муҳаббатини ошириш, тадбиркорлик ташаббусларини рағбатлантириш мақсадида амалий ишлар олиб борилмоқда.
Шаҳримиздаги «Нодирабегим» маҳалла фуқаролар йиғинида фаолият олиб бораётган ёшлар етакчиси Муроджон Мамарўзиевнинг маҳалла ҳудудида ёшлар учун зиё маскани бўлган «Book cafe» ташкил этиш ҳақидаги ташаббуси шаҳар ҳокимлиги томонидан қўллаб-қувватланди.

Бугун маҳаллий тадбиркор Авазбек Саиджонов томонидан қуриб битказилган зиё масканининг очилиш маросими бўлиб ўтди. Унда Фарғона шаҳар ҳокими Восилжон Назаров ва сектор раҳбарлари ҳамда кенг жамоатчилик вакиллари, бир гуруҳ китобсевар ёшлар иштирок этдилар. «Нуроний» жамғармаси Фарғона шаҳар бўлими раиси Акрамжон Юлбарсов ташаббускор ёшлар ва тадбиркорларнинг эзгу ташаббусларини қўллаб-қувватлади. 

Эндиликда ёшлар мазкур зиё масканида ўзбек ва жаҳон адабиётининг дурдона асарларини мутолаа қилишлари ва бўш вақтларини мароқли ўтказишлари мумкин бўлади.

Очилиш маросими давомида эстрада хонандалари иштирокида гала концерт намойиш этилди. Ёшлар ўртасида ўтказилган интерфаол танловлар ва анимацион томошалар иштирокчиларга олам-олам қувонч бағишлади.