1. Бош сахифа
2. Янгиликлар

Зулайҳо Маҳкамова Фарғона шаҳридаги "Оқила аёллар" ҳаракати аъзолари билан учрашди

×

Қиргули мавзеидаги болалар мусиқа ва санъат мактабининг фаоллар залида ўтказилган учрашувда хотин-қизлар фаоллари, ҳаракат аъзолари иштирок этишди. Тадбирда Бош вазир ўринбосари Зулайҳо Маҳкамова мамлакатимизда сўнгги йилларда хотин-қизларннинг жамиятдаги ўрни ва нуфузини ошириш, ижтимоий ва маънавий қўллаб-қувватлаш борасида амалга оширилган ишлар ҳақида таъкидлаб ўтди.

Шунингдек, жамият ва давлат ҳаётида аёллар ва эркакларнинг тенг хуқуқлилигини, шунингдек, хотин-қизларнинг қонуний хуқуқ ва манфаатларини таъминлаш, уларнинг иқтисодий, ижтимоий ва сиёсий фаоллигини ошириш Янги Ўзбекистон тараққиёт стратегиясининг муҳим йўналишларидан бири бўлаётганлигига ҳам алоҳида эътибор қаратилди.

Тадбир давомида Фарғона шаҳрида "Оқила аёллар" ҳаракати томонидан бажарилаётган ишлар таҳлил қилинди. Ҳаракат етакчиси Шаҳодатхон Ахунованинг истиқболдаги режалари ҳақида ҳам маълумотлар берилди.

Фарғона шаҳар ҳокимлиги Ахборот хизмати