1. Бош сахифа
2. Янгиликлар

Фарғона шаҳрида “Пиллакорлар сайли” дастури доирасида маданий тадбир ўтказилди

×

Фарғона шаҳридаги Ислом Каримов номидаги театр ва концерт саройида “Ўзбекистон Конституцияси бу – бизнинг Бош Қомусимиз” шиори остида “Пиллакорлар сайли” дастури доирасида концерт бўлиб ўтди.

Концерт дастурида Ўзбекистон халқ ҳофизи Илҳомжон Иброҳимов, эстрадамизнинг ёрқин юлдузлари – “Садо” гуруҳи доирачилари, Ёрқинхўжа Умаров, Элёр Мелибоев, Отабек Муҳаммадзоҳид, Абдужалил Қўқонов ва бошқалар иштирок этишди.
Тадбирга вилоятимизнинг барча ҳудудларида пилла етиштиришда астойдил меҳнат қилаётган илғорлар, мазкур соҳада таҳсил олаётган талаба ёшлар таклиф қилинди. Шунингдек, шаҳримиз аҳолиси ва меҳмонлари ҳам маданий дастурдан баҳраманд бўлишди.

Маданий тадбир давомида сўзга чиққанлар томонидан мамлакатимизда олиб борилаётган ислоҳотлар, Янги таҳрирдаги Конституция лойиҳасидаги инсон ва унинг манфаатларини ҳимоя қилувчи янги ўзгаришлар ҳақида маълумотлар берилди.

Фарғона шаҳар ҳокимлиги Ахборот хизмати